Bø Turlag

Formålet med laget er å leggje til rette for friluftslivet og betre kjennskapen til nærområdet vårt. Vi ryddar og merker stiar i skog og fjell og arrangere turar i lag med Gvarv Turlag. I tillegg til dette skal laget argumentere for interessene til friluftslivet i aktuelle politiske saker. 

Bø Turlag har 4 undergrupper:

  1. Omlag 16 personar vedlikeheld 140 km merka turstiar i 9 turområde.
  2. Trilleturar for småbarnforeldre går kvar tysdag heile året.
  3. Rusleturar i sentrum av Bø kvar tysdag heile året. Fem lag samarbeider om tilbodet.
  4. • Turknappen-gruppa legg ut 5 nye turpostar i marka kvart år.

Laget er medeigar i Bø Løypelag som køyrer opp Vihusløypa og skiløypene nede i bygda. Vi samarbeider med Gvarv Turlag om turprogram og informasjonsbrosjyre til alle husstanda og har felles kartdatabase og web-kart. I samarbeid med 8 – 10 lag og organisasjonar tilbyr vi omlag 120 gratis arrangement i året, open for alle.

Bø Turlag hadde 287 medlemmer i 2018.
Laget blei stifta i 1976. 

Turområde

Dei 9 turområda er delt inn slik: Breisås, Bryggefjell, Bøelva, Folkestadåsane, Gygrestolen, Høyslass-Bruskor, Lifjell (fire delområde), Maskat, Årmotdalen (to delområde) og to merka stiar med utgangspunkt i Hørte og Ølsbru.

Vi samarbeider med Gvarv Turlag, Notodden Turlag og Seljord Turlag om vedlikehald av stiar som kryssar grenser til andre kommunar. Hovudformålet med merking av stiar i skog og fjell er å leggje til rette for at turfolk skal kjenne seg trygge i naturen og ta seg fram til turmålet og tilbake. Turlaget ønskjer også å ta vare på gamle ferdselsårer ved å rydde dei etter behov.

På heimesida vår (Bø Turlag) kan du sjå omtale av turområda og web-kart Alle stiane finn du på trykt kart ”Turkart Bø” (2011) og på appen UT.NO. Bjørn Steen og Thorvald Amundsen administrerer turområda.