Midt i Bø sentrum finn du parken Evjedalen. Den bind saman handelsentrum og Gullbringområdet. Her finn du universitetet, barnehagar, Bø Hotell og Gullbring kulturanlegg. Rett over Evjudalen, på Bøhaugen, ragar dei to kyrkjene.
Bøhaugen er eit kjent landemerke i Midt-Telemark og ligg sentralt i bygda med flott utsikt til Lifjell, tettstaden Bø og åsane rundt bygda. På Bøhaugen finn du to kyrkjer. Bø gamle kyrkje er ei middelalderkyrkje bygd i stein frå ca 1100-talet. Bø kyrkje erstattar den gamle kyrkja til ordinære gudstenester. Bø kyrkje er ei nyare trekyrkje frå slutten av 1800-talet. Namnet «Bøhaugen» tyder på at området var ein tingstad i førkristen tid.
Bø Turlag vedlikeheld dei merka stiane i skogområda rundt parken og rundturen gjennom Bøhamna opp til dei to kyrkjene på Bøhaugen.
Foto: Arne W Hjeltnes.
